{{الغـــــــياب}}
الغياب اللى قهرني يمكن انـك مـا دريتـه
والغياب اللى ذبحني ادري انـك فيـه داري
غبت من ليلي حسايف والعنا كلـه سريتـه
الوله دمي ونبضي وكل شوق جاك سـاري
ما بقى دمع بعينـي فـي غيابـك مابكيتـه
وروح تبكي في يمين وقلب يبكي في يساري
ياعذابي من غيابك في غيابـك مـا قويتـه
ارتجف برد الوله واحترق و الشوق نـاري
مات شعري في غيابك لا ولاحتـى رثيتـه
ولا رثى فجري ظلامي ولارثى ليلي نهاري
الجفاف اللى بعمري ليت بطيوفـك رويتـه
يا رذاذ العمر قلي وش بقـى غيران**ـاري
كل شوكٍ في خريف البعد لقلبيك وطيتهمـا
رحمني شوك بعدك لا ولا شوك الصحاري
ما طويت اليأس منك لا ولاحتـى طويتـه
ولو يفوت العمر فدوة بس يبقى فيك شـاري
أسقني شربة حروفك ولو تبا قلبـي عطيتـه
بس يكفيني غيابك بس ياطـول انتظـاري
انت يا مقصد حروفي وانت بس اللى عنيته
وانت يافرحه وجودي وانت يا زود افتخاري
ان كتبت الشعر لجلك كل عالي لـك رقيتـه
وان قصدت الشعرغيرك ااه ياسهل انحداري
وان تغزلت بجنابك كل غالـي لـك جنيتـه
لك نزيف جروح قلبي ياوطن عمري وداري
الأحد يوليو 27, 2008 8:43 pm